Fjölmiðlabraut – Vorönn 2018

Grunnáfangi í fjölmiðlafræði. Í áfanganum takast nemendur á við ýmis grunnatriði fjölmiðlunar.

Í bóklegum hluta áfangans er farið yfir fjölmiðlasöguna auk þess sem farið er í helstu kenningar fjölmiðlafræðinnar. 

Í verklegum hluta áfangans vinna nemendur að margvíslegum verkefnum. Þeir skrifa greinar, vinna að uppsetningarverkefnum, gera fjölmiðlakönnun, greina sjónvarpsþætti, skrifa kvikmyndagagnrýni o.fl. 

Kennari  er Þórunn Elfa Bjarkadóttir

Í áfanganum er einkum farið í verkefni sem tengjast ljósvakamiðlum. Áfanganum er skipt í þrjá efnisþætti; kyrrmynd, hreyfimynd og sýndarveruleikinn. Undir hverjum efnisþætti vinna nemendur ákveðin verkefni, t.d. ljósmyndaverkefni, myndasöguverkefni, stuttmynd, kvikmyndagreiningu o.fl. 

Fjölmiðlaheimurinn

Undanfari: FLM 1036

Í áfanganum er fjallað um fjölmiðla frá tilkomu fyrstu tímarita og dagblaða og fram til okkar daga. Fjallað er um félagsleg og stjórnmálaleg áhrif fjölmiðla og hvernig þau hafa breyst í gegnum tíðina. Kannað er forræði yfir fjölmiðlum, staða þeirra sem „fjórða valdsins" og hvaða ytri og innri þættir hafa áhrif á fréttamat þeirra og umfjöll­unarefni. Fjallað er um blöð, tímarit og netmiðla. Gerður er samanburður á eðli þessara miðla.Í áfanganum er lögð áhersla á að nemendur skili verkefnum í frétta- og greinastíl. Áhersla er lögð á skapandi skrif og að unnið sé með faglegum hætti við fréttaskrif, greinaskrif, viðtalstækni og ljósmyndun.